Pagpasidungog sa mga Pangulo sa Liturhiya

Usa ka higayon nga nagsaulog si Archbishop Emeritus of Davao Fernando R. Capalla sa tinuig nga panagtapok sa mga Pangulo sa Liturhiya, giingon niya nga dakong kalipay ang iyang gibati sa pagkakita sa liboan ka mga kalalakin-an nga nagtapok sa usa ka lugar alang sa pagsaulog sa ilang pagtoo, nga sumala niya talagsaon nga higayon.

Ang mga Pangulo sa Liturhiya kon PSL ang maoy nagapangulo sa pagsaulog sa Kasaulogan sa Pulong (KSP) nga kasagaran ginahimo matag Sabado sa mga Gagmay’ng Kristohanong Katilingban (GKK) diin pipila usab ang nagahimo niini matag Miyerkules ug Huwebes.

Bisan pa man nga kadaghanan sa mga PSL naga-ingon nga gamay lang ang nagatambong sa Kasaulogan sa Pulong, wala gihapon sila mawad-an sa kalipay sa pagpaningkamot nga magtuon ug magpaambit sa Pulong sa Ginoo ngadto sa mga miyembro sa GKK.

Sumala sa Archdiocesan Liturgical Center (ALC), adunay kapin 3,500 ka mga PSL sa 36 ka mga parokya sa Archdiocese of Davao.

Kasagaran adunay usa ka PSL sa matag GKK ug angay nga pasidunggan ang pipila sa mga parokya ug GKK nga adunay unom (6) hangtud siyam (9) ka mga PSL nga naga-silbi sa ilang tagsa-tagsa ka GKK. Ang mga musunod nga mga parokya adunay daghang kalalakin-an nga mihatag sa ilang serbisyo alang sa ilang GKK ug parokya:

1. St. Joseph Parish, Sasa: GKK Sto. Domingo Phaxe 2; GKK ICC, Pilar; GKK Sta. Cruz, Fortune
2. Our Lady of Lourdes Parish, Bangkal: GKK San Roque, NHA Phase 1; GKK Holy Rosary, NHA Phase 3
3. San Pablo Parish, Juna Subdivision: GKK San Isidro Labrador, Times Beach
4. Immaculate Conception Parish, Mintal: GKK Sacred Heart of Jesus, Green Meadows
5. San Roque Parish, Malabog: GKK San Isidro Labrador, Panulawan
6. Sto. Rosario Parish, Toril: GKK Divine Mercy, Blk. 4- HP 5
7. San Antonio de Padua Parish, Agdao: GKK Sto. Nino YCF, Brgy. San Antonio
8. St. Mary of the Perpetual Rosary Parish, Buhangin: GKK San Isidro Labrador, Juliville Subd., Tigatto
Karong ika-17 sa Nobyembre, saulogon ang ika-48 nga anibersaryo sa KSP-PSL sa Holy Cross of Davao College Gym.