Kaputian Parish malampusong nagpahigayon sa free clinic

Mapasalamaton ang kura paroko sa Sto. Niño Parish sa Kaputian, Island Garden City of Samal nga si Fr. Rico Enriquez sa malampusong pagpahigayon sa free dental clinic sa parokya.

Malipayon nga nakadawat ang 65 ka mga parokyano sa libreng ibot sa ngipon sa gipahigayong free clinic niadtong Oktubre 20. Adunay 75 ka pasyente ang niagi sa pre-screening.

Subay kini sa health advocacy sa Parish Social Action Ministry sa Sto. Niño Parish, Kaputian.
Gipasalamatan ni Fr. Enriquez ang mga Pangulo sa Alagad ug ang mga dentista nga migahin sa ilang serbisyo ug oras. Dr. Veronica Kimpo, DMD, Dr. Socorro Oesterdal, DMD; Dr. Joy Marie Sindao,DMD; Dr. Sulita Go-Monterde, DMD ug Dr.Ellen Plariza, DMD. Mapasalamaton usab siya sa sponsor sa paniudto sa mga volunteers ug dentists nga sila si Mr. and mrs. Gabriel Tagpono and Family.

Nanghinaut ang parokya nga masundan kining maong free clinic sa umaabot nga adlaw aron maserbisyohan ang kadaghanan sa mga parokyano sa Sto. Niño Parish. (John Frances Fuentes/@dcherald)