Pope Francis gisugdan ang panagtapok alang sa reporma sa Simbahan

Gisugdan na sa Santo Papa ang panagtigom kauban ang mga cardinal alang sa himoong kabag-ohan sa tibuok Simbahan.

Sumala sa report sa Catholic News Agency, himoon ang panagtapok kauban ang mga cardinal nga maoy mu-tambag sa santo papa mahitungod sa Church governance ug curia reform ug gisugdan na kini, Oktubre 1.

Ang miyembro sa maong council sa mga cardinal mao sila Cardinals Giuseppe Bertello, Francisco Javier Errazuriz Ossa, Oswald Gracias, Reinhard Marx, Laurent Monsengwo Pasinya, Sean Patrick O’Malley O.F.M. Cap., George Pell, Oscar Andres Rodriguez Maradiaga, ug Bishop Marcello Semeraro isip secretary.
Giingon sa Vatican spokesman Fr. Federico Lombardi, SJ, nga ang panagtigom himoon sa private library sa papal apartment tibuok adlaw ug walay makahibalo sa unod sa ilang panaghisgotan.

“Let’s not expect in the course of these three days, results, decrees, major document of any sort!” sumala sa Vatican spokesman tungod sinugdanan lang kini sa mga umaabot nga panagtigom kauban ang santo papa ug wala pa giingon kanus-a kini mahuman.