Prayer Warriors sa Alliance of Two Hearts Nanguna sa Pag-ampo Para sa Kalinaw

Nagkahiusa ang mga miyembro sa Alliance of Two Hearts inubanan sa mga aktibong Katoliko sa “Most Sacred Heart of Jesus Parish” sa Calinan sa pagsaulog sa “Global Vigil for Peace” niadtong ika-7 sa Setyembre niining tuiga.
Kadaghanang nisalmot sa maong kalihukan mao ang mga prayer warriors gikan sa organisasyon sa Alliance of Two Hearts, diin para kanila ang pagpangayo ug tabang sa Mahal na Birhen adunay dakong matabang aron mabungahon ang ilang pag-ampo ug pagsakripisyo.
“You know what the Blessed Virgin Mary man gud is our Mother and whatever she asked to Jesus, her son will answer. I know that she will answer us because the son cannot refuse His Mother~ Jesus cannot refuse Mama Mary. That’s why praying the rosary is very important”, ni Asuncion Leorente o mas nailhan sa tawag nga “Ate Siony”, aktibong miyembro sa grupo, ug lima ka-tuig nga nahimong coordinator sa maong organisasyon.
Sumala pa ni Ate Siony nga ang pag-ampo sa Mahal nga Birhen pinaagi sa pag-rosaryo adunay dakong matabang sa pagkinabuhing malinawon.
“You know, I noticed that if you say the rosary with all your heart, you become patient, loving and naturally generous. When I say the rosary, my love for the Blessed Virgin Mary and for Jesus grow more. I have that feeling of loving more towards the both of them”, ni Ate Siony.
Gikahinumduman ang pag-awhag ni Pope Francis I sa pag-ampo ug pag-ayuno para sa kalinaw sa nasud hilabi na sa Syria diin miabot na sa 110,000 ang namatay sa gubat sa maong nasud: kini ang bug-at nga rason sa pagkaguol sa Santo Papa.
Apan sama sa pagka-positibo ni Pope Francis na makab-ot ang kalinaw para sa tanan, mao sab ang pagka-positibo sa mga debotante sa Calinan hilabi na ni Ate Siony, nga pinaagi sa ilang kinasing-kasing nga pag-ampo sa Birhen, makasinati na ug tumang kalinaw dili lamang sa Syria apan sa tibuok nasud.

By Angelika Calano/Contributor