KapistahansaBirhen Dolorosa gisaulog

“Carry your Cross”!

Mao kini ang mensahe nga gipaabot ni Arsobispo Romulo Valles atol sa iyang homiliya sa pagsaulog sa kapistahan sa Parokya sa Birhen Dolorosa, Babak, IGaCoS niadtong Setyembre 15 nga may temang Maria: Inahan nato saPagtoo.

Matod pa ni Arsobispo Valles ang pagtoong Katoliko walay “shortcuts”. Dili nato pwede hikalimtan nga una nabanhaw si Hesus niagi una siya ug kasakitan. Ug si Hesus mismo ang nag ingon kung gusto ninyong mamahimo nakong tinun-an o sumusunod pas-ana ninyo ang inyong Cross.

Gipasabot usab ni Arsobispo Valles nga uban sa pagantos ni Hesus naa sa iyang kiliran ang iyang inahan nga si Maria nga niunong hangtod sa iyang kamatayon. Busa iyang gipasabot nga dili jud pwede papason ang papel ni Maria sa kinabuhi, kasakit, kamatayon ug pagkabanhaw ni Hesus. Ug kini nagpakita lamang kung unsa kamatinud anon ni Maria ngadto kang Hesus. “Ang papel ni Maria nagpakita kanato sa pagka modelo sa pagtoo. Ang tinuod nga color dili itom ug dili kasub-anan kun dili puti ug ang kadaogan,” pahayag ni Abp. Valles.

Gipaabot usab ni Arsobispo Valles ang iyang dakong pasalamat sa mga parokyano sa Birhen Dolorosa sa ilang walay puas nga pagsuporta sa simbahan. Nagpasalamat usab siya sa oportunidad nga makatambong sa maong kasaulogan ingon man iyang gipaabot ang iyang pagtimbaya sa mga opisyales sa local nga panggamhanan nga gipangulohan ni Mayor Aniano Antalan nga nitambong sa maong misa.

Sa laing bahin gipahigayon usab atol sa maong selebrasyon ang Divine Cost Play nga gipasiugdahan sa Parish Youth Apostolate (PYA). Matag distrito nag pasundayag sa ilang napiling santo.

Si Melquiades Lauron Jr nga usa ka PSA nga nag-portray kang San Vicente Ferrer maoy nigulang mananaog ug gisundan kini ni Sheryl Ann Agohob isip Mother of Perpetual Help isip 1st runner-up; Rogelio Apostol nga nag-portray kang San Francisco de Asis 2nd runner-up ug si Flora Arocan nga nag-portray sa Birhen sa Rosaryo isip 3rd runner-up.

Gipaabot ni Msgr. Nelson Lucas uban sa iyang Parochial Vicar nga si Fr. Arnold Balaquinto ang dakong pasalamat sa tanang parokyano saBirhen Dolorosa sa ilang pag-ampo ug paglambigit sa tanang aktibidades kalabutan sa maong selebrasyon.

Rommel R. Jandayan/Contributor