Ikaulaw man,apan maoy tinuod

Samtang padayon pa ang pagatubang sa peligro sa kalamidad tungod sa sunod-sunod nga bagyo nga moagi sa Pilipinas, sa makausa pa, ang atong nasud nagaatubang og krisis sa kalinaw ug kahusay. Una, ang nabutyag nga hilabihang dako nga pagpangawkaw binuhatan sa mga tawong piniyelan, sa kaban sa gobiyerno. Ikaduha, ang kapin na usa ka semana nga gubat sa Zamboanga . Ikatulo, ang duha ka pagpamomba sa Davao City. Pastilan no!
Dili ba ang mga suspek, akusado o sad-an nga dagkong opisyal ug ang tinuyuan man o dili nga mga kakontsabo, kalagmitan mga tawong adunay pagtoo sa Dios, Kristiyano man, Muslim o Lumad? Matud pa, 80% sa populasyon sa atong nasud mga Katoliko. Busa, makaingon kita nga kadaghanan kanila, mga Katoliko pa jud. Pastilan! Makaulaw man, apan tinuod kini.Apan mas grabe pa gayud kon wala na kitay ulaw. Ngano kaha ni?

Luyo sa dagan natong mga timaan sa pagkadiosnon dinhi sa atong nasud. Kining mga hitaboa nagpamatuod lamang nga, kining klase sa pagtoo nato wala mahubad kini o madugtong sa kinabuhing matarong ug ligdong. Nabulag ang pagtoo ug kinabuhi. Kaniadto, kining kahimtang gitawag kini “split-level Christianity.”
Matud pa samgabatidsapromasyonsapagtoo, kining maong kahimtang sa pagtoo bunga sa kakulang sa malangkobong pormasyon sa pagtoo. Ang pagmatuto sa pagtoo wala makompleto o wala mahamtong tungod kay ang mga maayong pagtulun-an, ang nindot nga pagsimba wala modagayday sa maayo ug makatarunganong pamuyo. Ang namat-an ug nasunod natong klaseng pagtoo,gikan sa mga hamtong ug katigulangan, puno sa debosyon ug piyesta apan kulang sa gugma sa Dios ug gugma sa isigkatawo. Ang resulta mao ang pagmakak ug panglimbong, pangawat, pagpinatyanay, pagpahimulos, ug pagabuso sa mga dagkong tawo, pagpanglupig ug pag-daogdaog.

Nahinumdum ko sa usa ka Ombudsman kaniadto nga mi-ingon sa publiko, samtang gipahigayon ang plunder case batok kang Joseph Estrada, “ang pagsulbad sa problema sa corruption dili iya sa gobiyerno kon dili sa Simbahan. Kay ang Simbahan man unta ang nagatudlo ug nagamatuto sa mga tawo sa dalan sa katarong.”
Bisan sakit paminawon nga daw nanghugas ang gobiyerno sa responsibilidad, ug gipasa ang tanan saSimbahan, apan adunay kamatuoran baya ang iyang gisulti. Makaingon baya pud kita nga nagkulang pa gayud ang atong pagumol sa 80% sa atong mga tagi-lungsod ug mga igsoong Katoliko.
Tama gayud, nga ania kita niining panahon sa TUIG SA PAGTOO ug ang siyam ka tuig sa ERA OF NEW EVANGELIZATION nga pagpangandam nato sa ika-500 nga kasumaran sa Kristiyanismo dinhi sa kapupud-an sa Pilipinas. Panbahon nga ang atong pagtoong Katoliko gihagit nga atubangon ug tubagon ang kasamtangan kahimtang sa pagtoo sa katawhan.
Panahon na sa mamugnaong Pormasyon sa Pagtoo. Bag-ong pamaagi, bag-ong kadasig, ug bag-ong pagpadayag. Biyaan na ang mga daan nga pamaagi sa pagumol sa pagtoo. Ang bag-ong kahimtang sa kakulang, kawalay, ug luyang pagtoo nagtawag kanato sa pagusab sa atong mga stilo sa pormasyon sa mga magtotoo, mga Relihiyoso, mga Pari.
Magpadayon kita sa pagtuman sa mga direktiba sa PCP II, sa New National Catechetical Directory, sa Revised Directory for the Ministry and life of Priests, sa Directory sa Consecrated Life for the New Millennium.
Live Christ, Share Christ!

(jimmg48@gmail.com)