Trainors’ training sa year of faith nagpadayon

Ang Sta. Ana Vicariate nga gilangkoban sa mga parokya sa Sta. Ana, San Antonio de Padua sa Agdao, Our Lady of Fatima sa Boulevard ug Sacred Heart of Jesus sa Obrero nagbansay sa mga lideres sa mga parokya mahitungod sa pagsaulog sa Tuig sa Pagtoo, Agosto 3.

Gitun-an sa mga lideres ang module sa Year of Faith nga gihimo alang sa Archdiocese of Davao uban nila ni Abp. Romulo Valles nga nagpasabot sa Porta Fidei, Msgr. Abel Apigo sa Vatican II, ug Bishop George Rimando sa koneksiyon sa Vatican II ug Catechism of the Catholic Church.

Nakita sa mga delegado ang dakong hagit isip layko nga lideres.

Sumala ni Henry Evangelista sa Sacred Heart of Jesus Parish, dako ang papel sa mga layko sa Simbahan ug dili kini tiaw-tiaw.

“Adunay threat sa ato pagtoo, gihagit kita,” sumala niya, mahitungod sa mga laing relihiyon nga naga-agni sa mga Katoliko nga mubalhin kanila.

Dugang niya nga pinaagi sa maong training, giandam sila unsaon pagtabang sa mga nawala sa pundok.

Sumala usab ni Vicky nga taga Sta. Ana Parish, angay lamang nga kinahanglan unahon og porma ang mga lideres tungod kay sila man ang mu-reach out ngadto sa mga tawo.

Dugang niya nga kay sila nasangyawan man, kinahanglan sila usab mosangyaw sa mga lideres.

“My Catholic faith is so rich ngano mangita pa man ko sa lain. Our faith is indispensable. It defines who I am,” sumala ni Maricel, usa sa mga delegado.

Gitapos sa assistant pastoral director sa Archdiocese of Davao nga si Fr. Leonardo Dublan, Jr. ang maong training pinaagi sa pagsumada sa mga nahitabo ug sa pagpaambit sa iyang kasinatian sa pagtoo isip usa ka pari. (@dcherald)