Tibungco parish nag-umol sa pagtoo sa kabatan-onan

Aron maumol ug mapalambo ang Kristohanong bahin sa pagkatawo sa matag kabatan-onan ug masuta ug mahibal-an nila ang ilang ka-importante diha sa ilang GKK ug parokya, malampusong gihimo sa mga batan-on ang annual summer youth camp sa St. Francis Xavier Parish, Tibungco niadtong Mayo 23-26.

Subay sa tema: “Si Kristo, Kahayag alang sa Kabag-ohan,” mukabat sa 550 ka mga batan-on ang misalmot nga naggikan sa nagkalain-laing Gagmay’ng Kristohanong Katilingban (GKK) sa parokya.

Sulod sa upat ka adlaw, gihimo ang input kon talk mahitungod sa nagkalain-laing topics (Who am I, Si Kristo, Si Kristo, Kahayag alang sa Kabag-ohan, Eucharistic Celebration, Christian Youth).

Gihimo usab ang Santos nga Misa, Pagpangumpisal, outdoor games ug sports, team building, Bible quiz, poster making, choral competition, ug divine cosplay.

Ang tinuig na youth camp gipangunahan karon sa PSB Coordinator Chuck Rey Amad ug sa Kura Paroko nga si Fr. Severino Capulong, Jr. (dcherald)

By Ramilito Porio, Jr./Contributor