Parokya ni Sr. Santiago Apostol nagsaulog sa ika-51 nga kapistahan

Atol sa pagsaulog sa Tuig sa Pagtoo sa Simbahan, gisaulog sa mgaParokyano ni Sr. Santiago Apostol ang ika-51 nga kapistahan niini inubanan sa tema: “Sr. Santiago Apostol; ang panig-ingnan sa kalig-on sa pagsunod kang Hesus diha s aTuig sa Pagtoo.”

Gipangunahan ni Fr. Romel Banilad, and Kura Paroko ug ni FR. Engelbert Patriarca, ang iyang kaabag pari ug sa mamumuo sa Parish Pastoral Council ang pagpangandam sa ika-51 anyos nga paghinumdum sa kapistahan ni Sr. Santiago Apostol sugod kaniadtong 1962 nga mga PME Fathers pa uban ni Fr. Carol Bernard.

Ang pamaagi sa pagpangandam sa pag-abot sa kapistahan gisugdan sab sa mga aktibidades sa Simbahan, sama sa mga Novena masses pinangulohan sa mga nangaging pari diri sa parokya sa Bunawan.  Para mas mapalig-on pa ang kahulugan sa pagka- kristyanos, nagpahigayon ug Confirmation sa parokya nga gipangunahan ni Msgr. Leonardo Vicente inubanan ni Fr. RomelBanilad. Gisaulog ang maong kapistahan, Hulyo 25 sa alas 8 sa buntag pinaagi sa Santos ngaMisa nga gipangunahan mismo sa mahal nga Arsobispo. Romulo G. Valles ug sa mga kapariang mikonselebrar. Isip pag-obserbar sa Tuig sa Pagtoo, gi-organisa sa PPC sa Bunawan ang launching niini sa parokya ug ang pagpadala sa mga maghahayag niini diha sa parokya. Gihimo usab ang tradisyon na nga Sinsilyo sa Bokasyon nga gipangunahan ni Msgr. Valles ug ni Fr. Romel Banilad. Kini ang pamaagi aron matabangan ang mga seminaristang taga Bunawan sa ilang gamayng panginahanglan.

Aduna usab gimugna nga mga programa ang mga grupo sa kabatan-onan sa parokya sa Bunawan isip paghatag ug pahalipay ug entertainment sa maong pagsaulog sa kapistahan ni Sr. Santiago.

Ni JD Rillo ug Vaneza Sevillena/Contributor