Panagtapok bahin sa Ramadan gipahigayon

Sa pagsaulog sa Ramadhanang pinakasagradong bulan sa Islamic calendar, usa ka panagtapok sa mga taga-suporta sa pagpakaylap sa kalinaw ang gipahigayon sa  Silsilah Forum Davao.

Niadtong Hulyo 20, didto sa Bishops-Ulama Conference Hall, Matina, Davao City, nahatagan og higayon ang mga delegado nga maminaw ug magpaambit mahitungod sa Ramadan ug ang kabililhon niini sa pang-adlaw-adlaw nga kinabuhi sa usa Muslim.

Ang maong kalihukan resulta sa gipahigayong panagtapok sa mga batan-ong Muslim professionals niadtong Hulyo 8 ug ang mga organizers natandog nga maghimo sa susamang panagtapok nga nanghinaut nga mapalambo ang pagtambayayong sa mga professional peace advocates gikan sa nagkalain-laing dapit ug maningkamot nga mahimo silang higala sa pagpakusog sa espirituhanong bahin sa ilang pakiglambigit sa panahon sa Ramadan.

Ang Ramadan mao ang ika-siyam nga bulan sa Islamic calendar diin giawhag ang mga Muslim sa tibuok kalibutan nga mag-puasa. Kini kabahin sa Five Pillars of Islam: Shahadah (belief or confession of faith), Salat (worship in the form of prayer), Sawm Ramadan (fasting during the month of Ramadhan), Zakat (alms or charitable giving) and Hajj (the pilgrimage to Mecca at least once in a lifetime).