Dobleng selebrasyon, daghanang kalipay sa Immaculate Conception Parish, Mintal

Niadtong Hulyo trese hangtud katorse ning kasamatangang tuig, gisaulog ang ika-singkwentay tres nga Parish Day sa Immaculate Conception Parish sa Mintal. Nagsugod ang selebrasyon sa usa ka parada sa trese ka mga distrito dungan sa ilang pagpakitag kooperasyon ug paghiniusa pinaagi sa mga pagsinggit ug sa ilang mga suot. Human niini, ang eucharistic celebration ug ang blessing sa mini-covered court sa ilang parish priest nga si Fr. Jovilo Bongay ug Asst. Parish Priest nga si Fr. Amado Arroyo.

Human sa lamian nga panihapon, gisugdan na ang programa diin gipakita sa mga partisipante ang ilang talento sa pagsayaw, pagkanta ug arte. Mas nalingaw pa ang programa sa pag-presenta sab sa mga pari sa ilang mga makalingaw nga mga pasundayag.

Bisan paman sa kakapoy nga gibuhat sa mga kaparian sa tibook adlaw, nakahimo pa sila supresang regalo alang kang Fr. Amado Arroyo sa paghalad ug mga kanta nga milungtad ug hangtud alas tres sa kadlawon. wala sila nagpadala sa ilang kakapoy aron lang mapakita ang gugma ug pagpasalamat nga si Fr. Amado ilang pari.

Gani, sa maong selebrasyon, ang ika-singkwentay tres nga parish day ug kasaulogan sa adlawng natawhan ni Fr. Amado, mipamatuod lamang sa bendisyon sa kusog batok sa mga pagsulay, panag-uban luyo sa kalahian, ug kalipay bisan paman dunay limitasyon nga gihatag sa atong labawng makagagahum.

Corrine Grace Casia/Contributor