CLIMATE CHANGE: Kinahanglang Mahibaw-an

Napahigayon sa Almendras Gym niadtong Hulyo 16, 2013 nga gi-organisa sa Archdiocese of Davao ang seminar mahitungod sa Climate Change.

“Nothing is permanent but change”, matod pa sa pagsugod ni Fr. Bong Dublan, DCD, Director sa Archdiocesan Social Action Center.

Si Dr. Gemma T. Narisma, usa ka scientist gikan sa Manila Observatory nagpasabot sa tanan kung unsa ba gayod ang epekto sa climate change. Matod pa niya “Climate is natural”, pero tungod sa pag abusar sa katawhan dili na kini natural ug nabag-o na ang cycle sa mga bagyo, hangin, tubig ug uban pa.

Gipakita pud niya kung unsa pa ang posibleng mahitabo sa kalibutan kung ang tawo dili maningkamot ug mag tinabangay aron maluwas ang epekto sa climate change. Gipresenta pud ni Dr. Narisma ang mga research sa mga nilabay nga tuig nga nagpakita ug epekto sa climate change, kung unsa kini ka delikado ug ka dili maayu sa agrikultura ug sa uban pang mga butang nga binuhat sa Ginoo. Nagtapok pud ang matag parish para sa sharing/workshop nga gipabuhat aron ipresenta ang mga kahuyang sa matag parish.

“Human beings are not going to adapt to climate changes unless agriculture adapts” –Cary Fower, ang gibiling pahimangno ni Dr. Narisma.

Ang Mines and Geosciences o MGB nag presenta pud ug mga puntos kung asa ba gyud ang mga lugar nga delikado para sa mga tawo. Ila pung gi-pasabot ang history sa mga kontinente sa kalibutan. Ang Office of the Civil Defense o OCD, nagpadayag usab sa ilang mga nahibaw-an ug angay nga ipakalat sa matag parish.

Ang seminar nahuman sa closing remarks ni Archbishop Romulo Valles, D.D. nga nagpasalamat sa mga speakers ug pagtambong sa mga dinapit sa maong climate change seminar.

By: Nora A. Abella & Esther Joy Goc-ong