Ang Marian Movement of Priests

Niadtong miaging semana, Hunyo 23-29, nikuyog ko sa responsable sa Marian Movement of Priests (MMP) dinhi sa Pilipinas, Msgr. Cesar Pagulayan, alang sa tinuig nga spiritohanong pag-retreat sa tanang mga nasudnong responsable sa MMP. Gihimo kini didto sa Collevalenza, Italy sa Santuario dell’amore Misericordioso.

Kapin sa 200 ka mga Pari ang nanambong, lakip ang pipila ka mga obispo (12 ka buok), gikan sa 5 ka kontinente sa Africa, Asia, America, Oceania, Europa. Dunay mga missyonerong pari, mga relihiyoso ug diosesanong pari, mga aktibo pa ug nagritiro na, nanglagad sa seminaryo ug sa mga parokya, ubp.

Nindot kaayo nga  kasinatian sa hiniusang pag-ampo, pamalandong, panaglambigitay sa spirito ug kamatuoran. Higayon usab sa pagpalawom sa pagsabot sa kasinatian sa pagtugyan ug paghalad sa kinabuhi sa Pari ngadto sa Putling Kasingkasing ni Maria. Haom gayud kaayo kini human niadtong pagsaulog nato sa tibuok Pilipinas sa atong nasudnong pagtugyan ug paghalad ngadto sa Birheng Maria niadtong Hunyo 8, Pangilin sa Putling Kasingkasing ni Maria.

Usa sa mga nakatandog kaayo sa ako niadtong mga adlawa, mao ang pagbaliklantaw sa usa sa mga mensahe ni Padre Stefano Gobbi, ang nagsugod sa MMP,  bahin sa pagtugyan ngadto sa Putling Kasingkasing ni Maria, nga nagkanayon:

“Our lived out consecration to the Immaculate Heart of of Mary leads us to be enlightened, sanctified, and transformed by Jesus – Love. Because in actuality, what is the triumph of the Immaculate Heart of Mary if not the immaculate triumph of the Heart, if not the triumph of Love? Thus we can understand how the triumph of the Immaculate Heart of Mary coincides with the triumph of the Merciful Love of Jesus. With the triumph of Merciful Love, the Divine Mercy comes down a s a dew to revive the aridity of this humanity that will be renewed in love and by love and, in this way, it will know a new civilization: the civilization of Love.”

Mas nasabtan nako karon ang kamahinungdanon ug kamapuslanon sa atong gitinguha karon diri sa atong nasud pinaagi niining atong gihimo alang sa tibuok nasud Pilipinhon – ang Pagtugyan ug Paghalad sa Nasud Pilipinhon sa Putling Kasingkasing ni Maria.  Hinaot unta nagapadayon diha sa mga parokya ang katekesis bahin niini, aron magmabungahon alang sa tanan.

– OOOOO –

Ang pagbag-o sa Pagtugyan sa Putling Kasingkasing ni Maria

BUSA MGA IGSOON KONG KAOBISPOHAN, KAPARIAN, UG MGA KAIGSOONANG MAGTOTOO, AYAW KAMO KALIMOT,  UG AYAW IHIKAW SA INYONG KAUGALINGON ANG HIGAYON SA PAGBAG-O SA ATONG PAGTUGYAN KANG BIRHENG MARIA KARON UMAABOT NGA UNANG SABADO SA BULAN, HULYO 6. UG SA MOSUNOD NGA MGA UNANG SABADO SA BULAN.

NIINING ADLAWA MAMALANDONG SA MISTERYO SA SANTOS NGA ROSARYO, MANGOMPISAL, MAG-APIL SA MISA, MANGALAWAT, UG HINIUSANG MAGBAG-O SA PAGTUGYAN, PINANGULOHAN SA ATONG MGA PARI.

VIVA MARIA VIVA HESUS!