Profession of perpetual vows sa AJC gipahigayon

Duha ka miyembro sa Religious Institute of Apostles of Jesus Crucified ang naghimo sa ilang profession of perpetual vows sa solemnidad sa Santissima Trinidad, Mayo 26.

Si Bro. Ronald Maria Lacapag, AJC sa Blessed John Paul II Parish, Tugbok ug si Bro. Lope Maria Polinar, AJC nga taga San Isidro Labrador Parish, Talibon, Bohol naghimo sa ilang perpetual profession of vows of chastity, poverty and obedience ngadto sa Obispo sa Palestrina, Rome Domencio Sigalini.

Ang rito sa perpetual profession gihimo sulod sa Misa sa Blessed John Paul II Parish sa Tugbok ug nasaksihan sa mga parokyano nga mitambong sa misa niadtong Dominggoha.

Sila usab nanaad sa Superior General sa AJC Fathers gna si Fr. Eugenio Maria Lorek, AJC.

Anaa usab sa maong kasaulogan si Fr. Jhon Claude Nzembele, AJC Vicar General and Fr. Andrew Maria Egbegolu, AJC local superior ug ubang miyembro sa religious institute.

Gawas pa sa duha naghimo sa ilang panaad, adunay upat ka miyembro nga nag-bag-o sa ilang panaad nga sila siBro. Felipe Maria Millanas, AJC, Bro. Ritchel Maria Malisa, AJC, Bro. Eddie Boy Maria Fuentes, AJC, ug Bro. Jan Aicen Maria Suello, AJC.

Ang usa sa mga associate sa AJC nga si Bro. Edgar Canda, AJC nag-bag-o usab sa iyang panaad ngadto sa religious institute.

Ang kura paroko nga si Fr. Pedro Maniwang nagasalamat sa AJC Fathers ug kang Bishop Sigalini sa pagpili sa ilang parokya isip lugar sa paghimo sa rite of profession. Gikalipay niya kini tungod bag-o pa lamang natukod ang nahisgutang parokya.