Pagpangandam sa kalamidad pakusgan

LUYO sa mga milabay’ng kalamidad sa Davao region, gitun-an na karon sa Davao, Digos, Tagum ug Mati kon DADITAMA ang pagpakusog sa pagpangandam niini.

Sa panagtapok sa mga Obispo, kaparian, kamadrehan ug mga layko sa DADITAMA niadtong Hunyo 4-5 sa Digos City, nakita nga sa pagkakaron dili pa sakto ang pagpangandam sa mga milabay nga mga kalamidad sama sa bagyo, baha, landslides, linog ug uban pa.

“Experience is the best teacher,” sumala sa usa sa mga mitambong gikan sa Tagum nga miingon mahitungod sa nahitabong bagyong Pablo nga mikuso-kuso sa probinsya sa Davao del Norte ug Compostela Valley ug nagdala sa flashfloods.

Nasabutan sa DADITAMA ang hiniusang tubag sa mga panghitabo sa rehiyon:

• Intensify organizing and networking.
• Strengthen coordination and collaboration especially among Social Action Center to facilitate information dissemination, capacity building, and unified response to the disaster.
• Prepare a primer on climate change/global warming.
• Establish command center; website for updates, monitoring, profiling, etc..
• Intensify Alay Kapwa Program.
• Read human events in the light of faith; recollection emphasizing Theology and Spirituality.

Giplanohang ipahigayon ang DaDiTaMa-wide Seminar on Disaster Preparedness didto sa Tagum karong umaabot nga Agosto 28-30.

Sa Archdiocese of Davao, pipila na kalamidad ang nahitabo sulod sa mga milabay’ng tuig sama sa flashflood sa Matina Pangi ug pagbaha tungod sa kusog nga ulan didto sa Jade Valley ug kasigbit nga lugar sa Buhangin.

Tungod niini, giimbita ni Archbishop Romulo G. Valles ang Program Director sa Regional Climate Change Systems-The Manila Observatory nga si Dr. Gemma Narisma isip mamumulong sa ipahigayong series of talks tibuok adlaw sa Hunyo 10.

Ang musunod nga courses of action ang nakita sa archdiocese nga importante: 1) A comprehensive education and information about the Climate Change ug 2) Organizing an Archdiocesan Disasters-Quick Response Team.

Ang mga educators, lay organizations, religious congregations, kaparian ug mga layko ang maoy manambong sa ipahigayong panagtapok.

Ang ipahigayong series of talks bunga sa pamalandong sukad nakapaminaw sila Archbishop Valles kauban ang ubang mga Obispo sa DADITAMA kang Dr. Narisma sa gipahigayong DADITAMA meeting niadtong milabay’ng Marso diri sa Dabaw. (@dcherald)