Ang Pagpadayag sa Kristohanong Pagtoo diha sa dose (12) ka Artikulo sa Kredo sa Pagtoo

ARTIKULO 2

Nagatoo ako sa usa Ginoo, si Jesukristo, ang bugtong Anak sa Dios, gikan walay katapusan nga Amahan, Dios gikan sa Dios, Kahayag gikan sa Kahayag, tinuod nga Dios gikan sa tinuod nga Dios, nahiusa sa Amahan. Ang tanang butang nahimo tungod Kaniya.

SI JESUCRISTO, ANG BUGTONG ANAK SA DIOS

PAGKAT-ON SA ATONG KINABUHI

Katkat: Mareng Nena, kumusta na imong gibotohan sa eleksyon?

Nena: Wala kadaog, ang mga karaan gihapon ang nakadaog! Naglaum nalang ko mare nga adunay kausaban mahitabo sa mga nidaog.

Katkat: Unsa nga kausaban ang imong gipangandoy mare?

Nena: Ang pagsabwag og Maayong Balita sa Kaluwasan, tinud-anay nga pag-alagad nga gipadayag sa tinuod nga pagtoo sa Dios nganagasukad sa pagtulun-an ni Kristo inubanan sa maayo ug makatarunganon ng mga buhat sama sa pagtuman sa mga saad ug pagka-honest diha sa serbisyo.

Katkat: Mao ba mare. Maayo gyud na imong panlataw. Mare, adto ta sa kapilya apil ta og katekesis  nga ihatag sa katekista.

Nena: Sige mare apil ta. Uban sad ta mare og simba sa Domingo sa simbahan sa parokya kay magpalit sad ko og Davao Catholic Herald kay mobasa ko sa katekesis nga ilang gisulat.

 
Life without Jesus is like an unsharpened pencil… It has no point.    Ang Dios nagpili og mga tawo aron maoy mangulo sa iyang katawhan ginamit ang atong mga boto. Unsa man kaha ang ipabuhat sa Dios niining atong mga bag-o lamang napili nga mga lideres sa atong siyudad ug magbabalaod sa nasud niining Tuig sa Pagtoo?Aron makahibalo ta sa gusto sa Dios sa iyang katawhan, kinahanglan hibaloon sa usa ka lider ang kinabuhi sa atong Ginoong Jesukristo ug ang iyang mga pagtulun-an. Tun-an ang iyang pagtoo sa Dios, ang iyang mga balaod. Isip Kristiyano, puy-an niya si Kristo sa iyang kinabuhi ug ipaambit niya si Kristo.

Unsaon man niya kini paghimo? Kini iyang mahimo pinaagi sa makanunayong niyang pagtuon sa Katekismo sa Katolikong Simbahan ug pagtuman sa kabubut-on sa Dios?

(To be continued next issue)