Alang sa paspas nga rebuilding ug recovery sa Comval, Gov. Uy ug Cabinet Secretaries nagtagbo

Aron mamahimong mas dali ug paspas ang gitinguhang Rebuilding ug Recovery sa tibuok Compostela Valley labi na diha sa lima nga giilang hardly hit municipalities sa milabayng Supertyphoon Pablo, usa ka mainitong panagtagbo ang malampusong gihimo nila ni Gov.Arturo “Chiongkee” Uy ug sa tulo ka mga Cabinet Secretaries ni Presidente Benigno S. Aquino-III nga sila si Cabinet Sec. Jose Rene Almendras-Chairperson sa National Task Force Pablo; DSWD Secretary Dinky Soliman; ug Secretary Teresita Quintos-Deles sa OPAPP niadtong Mayo 30, 2013 sa hapon.

Ang maong panag-tagbo nga gitawag ug “National Taskforce Pablo Collaborative Consultation Meeting with the Provincial Local Government” sa VIP Lounge sa F. Bangoy International Airport sa DavaoCity.

Miapil usab sa gihimong “Collaborative Consultation Meeting” sila DILG Usec. Austen  Paradero, DILG PD Liborio Diana, ug ang mga Department Heads nga sila Josephine Frasco sa PSWDO, Romeo Celeste sa PPDO, Engr. Rhoderick Digamon sa PEO; Dr. Rolando Semene sa PAGRO, ug PGSO Chief Arceli Timogtimog.

Si Timogtimog maoy gitahasan ni Gov. Uy paghatag ug updates sa kasamtangang kahimtang sa probinsiya nga nahiagom sa grabeng kadaot human nga kini naigo sa milabayng bagyo. Sulod sa dul-an usa ka oras niyang Powerpoint Presentation iyang gipahi-balo ang  padayon pang gipanghimo sa Gobyerno ug Humanitarian Partners sa pag-atiman sa Supertyphoon Pablo Victims nga nagla-kip sa interventions ug Accomplish-ments sa Infrastructures, sa Livelihood, ug Resettlements. (gilbert cabahug/ids comval)