San Francisco Javier Parish History

SFX NEW CHURCH

Tibungco, Davao City

Si Francisco Bustamante usa sa mga unang lumulupyo sa Tibungco, nakapalit og larawan ni San Francisco Javier ug siya ug iyang pamilya nahimong deboto niya.

Tuig 1929, gitukoran og kapilya ang larawan duol sa balay ni Francisco Bustamante daplin sa baybayon sa Tibungco. Human ang WWII, gihimoan ug permanenting kapilya ang patron. Karon nailhan ang maong dapit og “Barrio Alingit.” Adunay misa ka-usa matag bulan ug ang pari nga musaulog gikan pa kasagaran sa parokya sa Sta. Ana.

Una nahimong parokya ang San Francisco Javier, nasakop kini sa parokya sa St. James sa Bunawan sulod sa duha katuig (1963-1965). Ug sa wala pa nahimong parokya ang St. James, nasakop kini sa parokya sa Sta. Ana, nga nahimo pung parokya niadtong tuig 1949. Ingon man usab sa wala pa nahimong parokya ang Sta. Ana, nasakop kini sa parokya sa San Pedro.

Niadtong Marso 5, 1965 nahimong parokya ang kapilya sa San Francisco Javier. Ang unang kura paroko mao si Rev. Fr. Henri Babin, PME.

SFX OLD CHURCH

Si Fr. Babin unang mipuyo didto sa Ilang ug siya naninguha gayod pagtukod ug simbahan alang sa bag-ong parokya. Paglabay sa mga bulan, nakapilit sila ug duha ka ektarya nga luna daplin sa kalsada sa Tibungco.

Tungod sa pagtinabangay luyo sa mga pagsulay, magarbuhong natukod ang bag-ong simbahan alang sa bag-ong parokya. Nahitabo ang “INAUGURAL PAROCHIAL FIESTA” kaniadtong DECEMBER 3, 1965.

Sukad niadtong Marso, 1965, mao ni ang mga pari nga mipuyo ug nagserbisyo sa katawhan sa parokya sa San Francisco Javier nga puno sa kadasig ug gugma:

Rev.Fr. Babin (March 1965-June 1966);
Rev. Fr. Paul Lu, PME (June-July1966);
Rev. Fr. Marcel Deschambault, PME (August 1966-January 1969);
Rev. Fr. Joseph Dupuis, PME (February 1969-September 1969);
Rev. Fr. Georges Fortin,PME (September 1969-May 1973);
Most Rev. Msgr. Charles Van Den Ouwelant, MSC (May 1973-September 1993);
Rev. Fr. Dionisio Tabiliran, DCD (November 1993-June 1995) nga mao ang unang pari gikan sa Archdiocese sa Davao ug kaabag nga pari, si Rev. Fr. Vicente Candia, DCD;
Rev. Fr. Maximo Bahinting,DCD (June 1995-June 2001) ug ang iyang kaabag nga pari, si Rev. Fr. Edmundo Sombilon, DCD;
Rev. Fr. Zenon Ampong, DCD (June 2001-June 2002);
Rev. Fr. Junar dela Victoria, DCD (Administrator) gikan June2002-June2003;
Rev. Fr. Jose Marie Escuadro,DCD (June 2003-June 2004);
Rev. Fr. Nestor Dalumpines, DCD (June 2004-June 2006);
Rev. Fr. Roy Mejias,DCD (June 2006-June 2012) ug si
Rev. Fr. Severino Capulong Jr.,DCD (June 2012-present).

(Photos/Text: Vivien Therese Bonzon, SFX Tibungco SoCCom)