Ang Kasaysayan sa Parokya sa Sr. San Miguel

Natukod tuig 2005 dinhi sa Marahan, si Fr. Stanley Yang maoy unang nahimong kura paroko. Niining tuiga usab gisaulog ang unang kapistahan diin si Sr. San Miguel Archangel ang patron.

Ang mga parokyano ang naningkamot kauban si Fr. Yang sa pagpangita ug 2 ka ektaryang luna, ug dinhi natukod ang misunod nga gambalay. Sulod sa iyang administrasyon gikan 2005-July 2013, nakumpleto ang kumbento, opisina, training center, ug greenhouse, samtang 90% na ang nahuman sa simbahan.

Dasig kaayo ang katawhan ug tuod man, gikan Agosto 2013 hangtud karon, si Fr. Gracioso Charcos mao ang nahimong kura paroko ug tungod sa pagtinabangay sa mga parokyano, kini usab napundar sa iyang administrasyon.

Dasig kaayo ang katawhan hangtud sa kasamtangan nga administrasyon ni Fr. Gracioso Charcos. Padayon ang pagtinabangay sa mga parokyano ug tungod niini nakumpleto ang simbahan, natukod ang sacristy, ug Panaghiusa Kiosk, napa bulldozer ug napalapad ang palibot sa simbahan. Napakusgan ang kooperasyon sa mga parokyano ug aduna puy scholarship program alang sa mga kabos. (Fe Emberda | SMP SoCCom)